شمالی وزیرستان : آپریشن ضرب عضب میں پاک فوج کے دہشت گردوں پر تابڑ توڑ حملے جاری ہیں۔ تفصیلات کے مطابق تازہ ترین کارروائی شمالی وزیرستان میں کی گئی۔

پاک فضائیہ کے جیٹ طیاروں نے شمالی وزیرستان میں پاک افغان سرحد کے قریب کامیاب کارروائیاں کر کے 17دہشت گردوں کو ہلاک کردیا۔

کارروائی میں دہشت گردوں کے ٹھکانے بھی تباہ کئے گئے، آئی ایس پی آر کے مطابق شمالی وزیرستان میں فضائی کارروائی کی گئی۔

جیٹ طیاروں نے شمالی وزیرستان ایجنسی کے علاقے دتہ خیل اور شوال میں بمباری کی ۔ کارروائی کے بعد کئی دہشت گرد فرار ہونے میں کامیاب ہو گئے.

دہشت گردوں کی گرفتاری کیلئے علاقے میں سرچ آپریشن جاری ہے۔ فضائی کارروائی میں ہلاک دہشت گردوں کی تعداد سترہ بتائی جا رہی ہے۔