کراچی : سیالکوٹ ایئرپورٹ کو تیرہ روز کے لئے بند کرنے کا فیصلہ کرلیا گیا اور تمام مسافروں کو فلائٹ شیڈول سے متعلق اپنی ایئرلائنز سے رابطہ کرنے کی ہدایات کردی گئی۔
تفصیلات کے مطابق سیالکوٹ انٹرنیشنل ایئرپورٹ کے رن وے کو مرمتی کام کی وجہ سے تیرہ روز کے لئے بند کرنے کا فیصلہ کیا گیا ہے۔
سول ایوی ایشن اتھارٹی نے بذریعہ نوٹم ملکی و غیرملکی ایئرلائنز کو آگاہ کر دیا ہے۔
سول ایوی ایشن اتھارٹی نے بتایا کہ سیالکوٹ ایئرپورٹ چھ مئی سے اٹھارہ مئی تک بند رہے گا، تمام مسافروں کو فلائٹ شیڈول سے متعلق اپنی ایئرلائنز سے رابطہ کرنے کی ہدایات کی گئی ہے۔
اس سے قبل بھی سول ایوی ایشن اتھارٹی (سی اے اے) نے مرمت کے باعث سیالکوٹ ائیرپورٹ کا رن وے یکم دسمبر کو 6 گھنٹے کے لیے بند رکھنے کا فیصلہ کیا تھا۔
