سیالکوٹ : دلہے کے بھائیوں نے شادی پر لاکھوں روپے کی ملکی و غیر ملکی کرنسی، موبائل فونز اور زنانہ و مردانہ سوٹوں کی برسات کردی۔
تفصیلات کے مطابق سیالکوٹی منڈے کی شادی نے شاہی شادی کو بھی پیچھے چھوڑ دیا۔
سیالکوٹ کے نواحی علاقہ ڈلوالی میں 27 سالہ دلہا کی بارات نکلی تو بھائیوں اور کزنز نے شہریوں پر ملکی و غیر ملکی کرنسی ، موبائل فونز اور مردانہ و زنانہ سوٹوں کی برسات کردی۔
شہر میں ٹرک چلتا رہا، دولہا کے بھائی ملکی اورغیرملکی کرنسی اڑتے رہیں، موبائل فونز بھی پھینکیں گئے، منچلے اپنے ہمراہ بڑے بڑے جال بھی لائے تھے.
مقامی لوگوں کا کہنا ہے کہ سامان لوٹنے والے نوجوانوں کی بڑی تعداد میں اسپیشل گاڑیوں میں بھر کے دور دراز علاقوں سے بھی آئے.
دولہے نے بھی غیرملکی کرنسی سے بنا ہوا ہار پہنا، بھائی مبشر کا دعویٰ ہے کہ بھائی کی شادی پر ایک کروڑ سے زائد کرنسی اور دیگر اشیاء لوٹا کر بھائی کی شادی کی خوشی منائی۔
اس سے قبل بھی سیالکوٹ میں متعدد شادیوں پر لاکھوں روپے کی ملکی و غیر ملکی کرنسی اور تحائف لوٹائے گی۔
