سبی : لہڑی کے علاقے تنیہ میں بارودی سرنگ کے دھماکہ میں 15سالہ نوجوان جاں بحق ہوگیا۔
تفصیلات کے مطابق لیویز فورس کے مطابق سبی علاقے لہڑی کے گوٹھ تنیہ میں پندرہ سالہ نبیل تالاب سے گھر کیلئے پانی بھرنے موٹر سائیکل پر جارہا تھا کہ موٹر سائیکل سڑک کے کنارے نصب بارودی سرنگ سے ٹکرا گئی۔
جس سے زوردار دھماکہ ہوا اور موٹر سائیکل سوار موقع پر ہی جاں بحق ہوگیا۔
دھماکے فوری بعد لیویز فورس موقع پر پہنچ گئی اور علاقے کو گھیرے میں لے لیا اور لاش کو سول ہسپتال سبی منتقل کردیا گیا ہے ۔
دوسری جانب لہڑی لیویز نے مقدمہ درج کرلیا ہے۔
