بالی ووڈ کے معروف اداکار دھانت چترویدی نے بالی ووڈ انڈسٹری میں پی آر ٹیم پر تنقید کی اور کہا کہ معاوضے کے ذریعے فلم کی پروموشن کرنے کی وجہ سے بالی ووڈ کو نقصان پہنچا ہے۔
اداکار سدھانت چترویدی اپنی آنے والی فلم ’یودھرا‘ کی ریلیز کے لیے تیاری کر رہے ہیں، حال ہی میں انہوں نے بالی ووڈ کو درپیش چیلنجوں کے بارے میں بات کی۔
اداکار نے کہا کہ انڈسٹری میں معاوضہ دے کر پروموشن کروانے کا سلسلہ جاری ہے جس سے سب سے زیادہ نقصان بالی ووڈ انڈسٹری کو ہورہا ہے، کیوں کہ پی آر گیم سے حقیقی ٹیلنٹ کو چھپا دیا جاتا ہے۔
فلم گلی بوائے سے شہرت حاصل کرنے والے اداکار نے کہاکہ میں انڈسٹری میں پی آر گیم کو سمجھنے کی کوشش کررہا ہوں، پی آر ٹیم کی طرف سے بنائی گئی امیج سے شاندار کارکردگی کو آسانی سے آگے بڑھایا جا سکتا ہے۔
اداکار سدھانت چترویدی کا کہنا تھا کہ اگر ایک فلم میں آپ کا کردار چھوٹا لیکن جاندار ہے تو اسے بھی پی آر ٹیم پیچھے چھوڑ سکتی ہے، اسی وجہ سے بالی ووڈ کو نقصان پہنچا ہے کیوں کہ یہاں کنٹینٹ اور ٹیلینٹ کو پی آر گیم سے چھپایا جارہا ہے۔
واضح رہے کہ بالی ووڈ اداکار سدھانت چترویدی کی آنے والی فلم یدھرا کا ٹریلر جاری کر دیا گیا ہے، سدھانت چترویدی ان دنوں اپنی آنے والی فلم یدھر ا کو لے کرخبروں میں ہیں۔
ایکسل انٹر ٹینمنٹ کے بینر تلے بننے والی فلم یدھرا میں سدھانت چترویدی بھر پورا ایکشن میں نظر آئیں گے۔ فلم کے ہدایت کار روی ادیاور ہیں جب کہ کہانی سرید ھر راگھون نے لکھی ہے۔
