ہملٹن: آئی سی سی ویمنز کرکٹ ورلڈ کپ میں پاکستانی بیٹر سدرہ امین نے تاریخ بناڈالی۔
تفصیلات کے مطابق نیوزی لینڈ کے شہر ہملٹن میں کھیلے جارہے پاکستان نیوزی لینڈ میچ میں پاکستانی بیٹر سدرہ امین نے سینچری داغ کر کئی ریکارڈ پاش پاش کردئیے۔
پاکستانی بیٹر ورلڈ کپ کی تاریخ میں سینچری اسکور کرنے والی پاکستان کی پہلی خاتون کھلاڑی ہیں۔
سدرہ امین نے سینچری سے قبل آئی سی سی ویمنز ورلڈکپ میں 5 سالہ پرانا انفرادی اسکور کا ریکارڈ پر توڑا جو پاکستان کی ہی ناہید خان نے سال 2017 میں بنایا تھا، ان کا انفرادی اسکور 79 رنز تھا۔
Sidra Ameen played a magnificent innings against Bangladesh, becoming the first Pakistan batter to score a ICC Women's @cricketworldcup century #CWC22https://t.co/CHqnluCkcM
— ICC (@ICC) March 14, 2022
لاہور سے تعلق رکھنے والی سدرہ امین نے 136گیندیں کھیل کر یہ سنگ میل عبور کیا، انہوں نے میدان کے چاروں اطراف دلکش اسٹروک کھیلے اور شائقین کرکٹ سے خوب داد وصول کی۔
پاکستانی بیٹر کی تاریخی اننگز میں 8 چوکے بھی شامل تھے، انٹرنیشنل کرکٹ کونسل نے پاکستانی بیٹر کی عمدہ اننگز کی ویڈیو کو اپنے سوشل میڈیا کی زینت بنایا ہے جسے بڑے پیمانے پر لائک کیا جارہا ہے۔
واضح رہے کہ آئی سی سی ویمنز ورلڈ کپ میں پاکستان اور بنگلا دیش کے درمیان کھیلے گئے میچ میں بنگلا دیش کی جانب سے دیئے گئے ہدف کے تعاقب میں پاکستانی ٹیم مقررہ اوور میں 9 وکٹوں کے نقصان پر 225 رنز بنا سکی اور گرین شرٹس کو 9 رنز سے شکست کا سامنا کرنا پڑا۔
سدرہ امین او پنر آئیں اور آخری لمحات تک کریز پر موجود رہیں، تاہم ان کی تاریخی سینچری بھی گرین شرٹس کو فتح سے ہمکنار نہ کرسکی۔