لاہور : مسلم ٹاؤن میں کاروباری شخصیت کی بیٹی کے قتل کیس کے ملزم فہد کے ساتھ گرفتار دیگر ملازمین کے کردار سامنے آگئے۔
تفصیلات کے مطابق لاہور کے مسلم ٹاؤن میں کاروباری شخصیت کی بیٹی کے قتل کیس کی تفتیش میں اہم پیش رفت ہوئی، ملزم فہد کے ساتھ گرفتار دیگر ملازمین کے کردار سامنے آ گئے۔
پولیس نے بتایا کہ ملزم کے ساتھ گھریلو ملازمہ عطیہ نے خود آلود بیڈ شیٹ تبدیل کیں جبکہ عابد اور شاہد نے قتل میں استعمال ہونے والے اسلحہ کو چھپایا۔
پولیس کا کہنا تھا کہ ایک ملازم روح الامین ملزم فہد کے ساتھ مقتولہ کواسپتال لے گئے، تمام ملازمین نے شواہد کو مٹایا ، جس پر انہیں گرفتار کیا گیا جبکہ تمام ملازمین نے کمرے سےفائرکی آواز نہ آنے کےباوجود لاش کو وہاں سے اٹھایا۔
،ملازمہ عطیہ نے بیان میں کہا کہ فہد کوٹ لکھپت میں ایک لڑکی سے شادی کرنا چاہتے تھے، دونوں کی دوستی فیس بک پرہوئی لیکن مالکن شادی سے منع کرتی تھیں۔
پولیس کے مطابق رنجش پر ملزم نے قتل کے بعد اسے خودکشی کا رنگ دیا، قتل کا واقعہ جمعےاور ہفتے کی درمیانی شب پیش آیا۔
