چینی اسکینڈل کی تحقیقات میں اہم پیشرفت سامنے آگئی، 9 اہم بیانات ریکارڈ کر لئے گئے اور جلد اہم شخصیات کو طلب کیے جانے کا امکان ہے۔
نیب راولپنڈی نے سابق سیکرٹری تجارت یوسن ڈھاگہ کا بیان بھی قلمبند کر لیا۔ یونس ڈھاگہ سے چینی کی ایکسپورٹ سے متعلق پوچھ گچھ کی گئی اور انٹر منسٹری میٹنگز کے فیصلوں پر بھی سوالات کیے گئے۔
چینی کی انٹرنیشنل اور لوکل مارکیٹ میں قیمتوں کے تعین پر پوچھ گچھ کی گئی۔
سابق وزیر تجارت پرویز ملک کا بیان بھی گزشتہ روز ریکارڈ کیا گیا تھا جب کہ سابق صوبائی وزیرسمیع اللہ چوہدری ، محسن لغاری، میاں اسلم کے بیانات بھی تفتیش کا حصہ ہیں۔
شوگر ملز ایسوسی ایشن کے سکندر پاشا، جاوید کیانی بھی شامل تفتیش ہو چکے ہیں۔ وزارت صنعت افسرخضرحیات، اکاؤنٹنٹ مزمل پاشاسے حاصل ریکارڈ شواہد میں شامل ہیں۔
اسی طرح کین کمشنرپنجاب ،کابینہ ،چیف سیکریٹری پنجاب آفس کی تفصیلات بھی شواہد میں شامل ہیں اور نیب کی جانب سے شوگر اسکینڈل میں جلد اہم شخصیات کو طلب کیے جانے کا امکان ہے۔
