بھارتی فلم انڈسٹری کے معروف اداکار سلمان خان کی نئی فلم سکندر کا پہلا نغمہ ’زہرہ جبیں‘ ریلیز ہوتے ہی سوشل میڈیا پر ہٹ ہوگیا، دبنگ خان اور رشمیکا مندانا کی شاندار پرفارمنس سے مداح خوش ہوگئے۔
بھارتی میڈیا رپورٹس کے مطابق فلم کا پہلا گانا ’زہرہ جبیں‘ جاری کردیا گیا ہے، جس میں رشمیکا مندانا نے سیاہ اور سلمان خان سلور رنگ کا شاندار لباس زیب تن کئے ہوئے ہیں۔
فلم کے پروڈیوسر ساجد ناڈیا والا ہیں جبکہ اے آر موروگاداس نے ہدایتکاری کی ہے۔ موسیقی کو پریتم نے ترتیب دیا ہے، جبکہ اس کی کوریوگرافی معروف رقاصہ فرح خان نے کی ہے۔ گانے کو نقاش عزیز اور دانش صابری نے گایا ہے۔
واضح رہے کہ اس سے قبل دبنگ خان کی فلم ’سکندر‘ کا ایکشن سے بھر پور فلم کا آفیشل ٹیزر ریلیز کیا گیا تھا۔
دبنگ خان کی فلم سکندرکے ساتھ دو برس بعد بڑی اسکرین پر واپسی ہورہی ہے، یہ فلم رواں سال ریلیز کی جائے گی، ٹیزر ایکشن سے بھر پور ہے جس نے مداحوں کو دیوانہ بنادیا ہے۔
View this post on Instagram
فلم سکندر میں دبنگ خان کے ساتھ ساؤتھ فلم انڈسٹری کی مشہور اداکارہ رشمیکا مندانا اداکاری کے جوہر دکھاتی نظر آئیں گی۔
سلمان خان کی وہ فلم جس نے ہدایتکار اور اداکارہ کا کیریئر ختم کر دیا
بھارتی میڈیا رپورٹس کے مطابق فلم ’سکندر‘ میں دبنگ خان نے ایک مغرور اور خوددار شخصیت کے طور پر نظر آئیں گے، جو ’سکندر’کے کردار کی اصل عکاسی کرے گا۔
