site
stats
عالمی خبریں

دہشت گردی کے خلاف باتیں کرنے والا بھارت خود دہشت گرد ہے، سکھ رہنما

نیویارک : سکھ رہنماؤں کا کہنا ہے کہ دہشت گردی کے خلاف باتیں کرنے والا بھارت خود سب سے بڑا دہشت گرد ہے، جو سکھوں پر ظلم ڈھا رہا ہے۔

تفصیلات کے مطابق سکھ رہنماؤں نے نیویارک میں پاکستانی قونصلیٹ کےارکان سے ملاقات کرکے بھارت کے مظالم سے آگاہ کردیا، اس موقع پرمیڈیا سے گفتگو میں سکھ رہنماؤں نے کہا بھارت ہارٹ آف ایشیاکانفرنس میں دہشت گردی کی بات کر رہا ہے لیکن ہم دنیا کو بتانا چاہتے ہیں کہ بھارت خود دہشت گرد ہے جس نے پنجاب میں سکھوں کے خون کی ندیاں بہائیں۔

سکھ رہنماؤں کا کہنا تھا کہ بھارت سکھوں پرظلم ڈھا رہا ہے، پینتیس سال سے اب تک ڈیڑھ لاکھ سکھوں کو دہشت گرد قرار دے کر قتل کردیا گیا۔

انھوں نے مزید بتایا کہ وہ حقوق کےحصول کے لئے دو ہزار بیس میں سکھ ریفرنڈم کے لئے بھی کام کر رہے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top