The news is by your side.

Advertisement

بابا گورونانک کا 551 واں جنم دن : بھارتی سکھ یاتری گوردوارہ جنم استھان پہنچ گئے

ننکانہ صاحب : بابا گورونانک کے 551ویں جنم دن کی تقریبات میں شرکت کیلئے بھارتی سکھ یاتری گوردوارہ جنم استھان پہنچ گئے، 30 نومبر کوبابا گورو نانک کے 551 ویں جنم دن کی مرکزی تقریب ہو گی۔

تفصیلات کے مطابق بابا گورونانک کے 551ویں جنم دن کی تقریبات میں شرکت کیلئے602 بھارتی سکھ یاتری گوردوارہ جنم استھان پہنچ گئے ،سکھ یاتری جتھہ لیڈرسردارامرجیت سنگھ کی قیادت میں ننکانہ صاحب پہنچے۔

ڈپٹی کمشنرراجامنصوراحمد نےبھارتی سکھ یاتریوں کااستقبال کیا، بھارتی سکھ یاتری کا کہنا ہے کہ بہترین سفری سہولیات پرحکومت پاکستان کےمشکور ہیں، 3روزہ تقریبات کاآغازکل سے گوردوارہ جنم استھان میں ہوگا۔

سکھ یاتری 5روز میں 6گوردواروں میں مذہبی رسومات ادا کریں گے، 30 نومبر کوبابا گورو نانک کے 551 ویں جنم دن کی مرکزی تقریب ہو گی، سکھ یاتری یکم دسمبر کو واہگہ بارڈر سے واپس بھارت جائیں گے۔

گوردوارہ جنم استھان کے داخلی دروازے پر محکمہ صحت کے کاؤنٹرقائم کردیئے گیے ہیں، تھرمل گن سے ٹمپریچر چیک کرنے اور کورونا ٹیسٹ کا انتظام کیا گیا ہے۔

یاتریوں کو ہینڈ سینی ٹائزر اور فیس ماسک مفت فراہم کیےجا رہے ہیں جبکہ ایک کاؤنٹر پر بچوں کوانسداد پولیو ویکسین پلانے کا بھی انتظام ہے۔

سکھ یاتری کورونا ایس اوپیز پر عملدرآمد کو بھی یقینی بنا رہے ہیں۔

Comments

یہ بھی پڑھیں