The news is by your side.

Advertisement

لاہور:مذہبی رسومات کی ادائیگی کے بعدسکھ یاتریوں کی بھارت روانگی

لاہور : سکھ مذہب کے بانی بابا گرونانک کے پانچ سو انچاسویں جنم دن کی تقریبات میں شرکت کے بعد سکھ یاتری بھارت روانہ ہوگئے۔

تفصیلات کے مطابق سکھ مذہب کے بانی بابا گرونانک کے پانچ سو انچاسویں جنم دن کی تقریبات میں شرکت کے بعد دو ہزار سے زائد سکھ یاتری لاہور کے ریلوے اسٹیشن سے تین خصوصی ٹرینوں کے ذریعے واپس بھارت روانہ ہو گئے۔

دونومبر کو خصوصی ٹرینوں کے ذریعے پاکستان آنے والے دو ہزار تین سو جبکہ دنیا بھر سے مجموعی طور پر تین ہزار سے زائد سکھ یاتریوں نے ننکانہ صاحب میں بابا گرونانک کے جنم دن کی تقریبات میں شرکت کی۔

اس دوران سکھ یاتریوں نے گردوارہ پنجہ صاحب حسن ابدال، گردوارہ روہڑی صاحب ایمن آباد اور گردوارہ کرتار پورنارووال میں مذہبی رسومات ادا کیں۔


مزید پڑھیں :  بابا گرونانک کے جنم دن کی تقریبات ، بھارتی سکھ یاتریوں کی پاکستان آمد


سکھ یاتریوں کا کہنا تھا کہ پاکستان میں بہت پیار ملا ،خواہش کرتے ہیں جلد دوبارہ آئیں گے۔

مہمان یاتریوں کی اپنے وطن روانگی کے موقع پر سکیورٹی کے انتہائی انتظامات کئے گئے تھے،یاتریوں کو پولیس اور رینجرز کے کڑے پہرے میں ریلوے اسٹیشن پہنچایا گیا۔

مہمان یاتریوں نے اپنے دس روزہ دورہ پاکستان کو انتہائی یادگار قرار دیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں