واشنگٹن: بھارتی سفارتخانے کے سامنے سکھوں کی جانب سے بڑے پیمانے پر احتجاجی مظاہرہ کیا گیا، اس دوران سکھوں نے بھارتی سفارتخانے پرنصب گاندھی کے مجسمے پرخالصتان کا پرچم لگا دیا۔
رپورٹ کے مطابق بھارتی سفارتخانے کے سامنے سکھ مظاہرین کی جانب سے خالصتان کے حق میں نعرے بازی کی گئی۔
سفارتخانے کے سامنے سکھوں کی جانب سے بھارت میں کسانوں پر مظالم کیخلاف نعرے لگائے گئے۔ اس دوران سکھوں نے بھارتی سفارتخانے کے سامنے مودی قاتل کے نعرے بھی لگائے۔
مظاہرین کا اس موقع پر کہنا تھا کہ بھارتی کسانوں پرمظالم کیخلاف آج یہاں اکھٹے ہوئے ہیں، کسانوں پر مظالم نے ثابت کیا کہ خالصتان ضروری ہے۔
ہیٹی: مسلح گروہوں کے جیل پر حملے میں 4 ہزار قیدی فرار
سکھ فارجسٹس کے رہنما ڈاکٹر بخشش سندھو کا میڈیا سے بات کرتے ہوئے کہنا تھا کہ بھارت میں کسانوں پرگولیاں چلائی جارہی ہیں،کسانوں پر ڈرون سے آنسو گیس گرائے جارہے ہیں۔
