اسلام آباد : وزیرمذہبی امورنورالحق کا کہنا ہے کہ دنیابھرمیں بسنےوالےسکھ کرتارپورمیں سرمایہ کاری کےخواہشمند ہیں، یورپ، امریکا میں بسنے والے سکھوں کو سرمایہ کاری کی دعوت دی ہے۔
تفصیلات کے مطابق وفاقی وزیر مذہبی امورنورالحق نے کرتارپورراہداری کےافتتاح کے 2 سال مکمل ہونے پر دنیابھرمیں بسنےوالےسکھوں کو مبارکباد دیتے ہوئے پیغام میں کہا کہ کم مدت میں کرتارپور،گردوارہ کی تعمیر،آرائش وزیراعظم کاکارنامہ ہے، یہ دنیابھرمیں بسنےوالےسکھوں کیلئےایک عظیم تحفہ ہے۔
نورالحق قادری کا کہنا تھا کہ اس کےبرعکس بھارت میں اقلیتوں کیساتھ ظلم کا بازارگرم ہے، گردوارہ دربار صاحب بین المذاہب رواداری کا مرکز بن کر ابھرا ہے۔
وفاقی وزیر نے مزید کہا دنیابھرمیں بسنےوالےسکھ کرتارپورمیں سرمایہ کاری کےخواہشمندہیں، کرتارپورراہداری کےماسٹرپلان پر جلد از جلد عملدرآمد کا حکم دیا ہے اور یورپ، امریکا میں بسنے والے سکھوں کو سرمایہ کاری کی دعوت دی ہے۔
یاد رہے وزیراعظم نے2سال قبل کرتارپورراہداری کاافتتاح کیاتھا ، فن تعمیرکاشاہکارکرتارپورکمپلیکس دنیابھرمیں آبادسکھ برادری کیلئےتحفہ تھا ، راہداری نےدنیابھرکی سکھ برادری کومقدس مقام تک رسائی کی تمنا پوری کی۔
یہ اس امر کا مظہر ہے پاکستان تمام مذہبی اقلیتوں کوانتہائی اہمیت دیتاہے، اس راہداری نےبین المذاہب ہم آہنگی کےفروغ کے نئے دریچے کھولے ہیں جبکہ یو این سیکریٹری جنرل نےراہداری کو’’امیدکی راہداری‘‘سے تعبیر کیا تھا۔
خیال رہے بھارت نےسکھ برادری کی بارباردرخواستوں کےباوجوداب تک راہداری نہیں کھولی ، بھارت نےاب تک یاتریوں کوکرتارپورصاحب کےدورے کی اجازت نہیں دی، پاکستان توقع کرتاہےبھارت راہداری سےیاتریوں کوکرتارپور آنےکی اجازت دے گا۔
