The news is by your side.

Advertisement

سندھ:‌ 90 لاکھ بچوں‌ کو ویکسین فراہم کرنے کا اعلان

کراچی: ایمرجنسی آپریشن سینٹر برائے پولیو نے سندھ بھر میں 7 روزہ انسداد پولیو مہم اچی کا اعلان کردیا۔

اے آر وائی نیوز کی رپورٹ کے مطابق سندھ کے 30 اضلاع میں 29 مارچ سے 4 اپریل تک 7 روزہ انسداد پولیو مہم چلائی جائے گی، جس کے دوران 90 لاکھ بچوں کو پولیو سے بچاؤ کے قطرے پلائے جائیں گے۔

رپورٹ کے مطابق کراچی میں 20 جبکہ سندھ کے دیگر اضلاع میں 70 لاکھ بچوں کو پولیو سے بچاؤ کی ویکسین دی جائے گی۔

ایمرجنسی آپریشن سینٹر کی جانب سے جاری ہونے والے اعلامیے میں بتایا گیا ہے کہ کرونا وائرس کے باعث مارچ2020 سے اگست دو ہزار بیس تک پولیو مہم نہیں چلائی جا سکیں تھیں، جس کی وجہ سے بچوں کے قوتِ مدافعت میں کمی آئی۔

ترجمان کے مطابق اگست  2020 سے لے کر اب تک تقریباً ہر ڈیڑھ مہینے بعد پولیو مہم چلائی گئی، جس کی وجہ سے پولیو کیسز میں نمایاں کمی آئی، سندھ میں جولائی دو ہزار بیس کے بعد سے اب تک ایک بھی پولیو کیس رپورٹ نہیں ہوا۔

ایمرجنسی آپریشن سینٹر کی جانب سے جاری اعلامیے میں کہا گیا ہے کہ کیسز رپورٹ نہ ہونے سے یہ ثابت ہوا کہ اگر باقاعدگی سے پولیو مہم چلائی جائے اور والدین پولیو ویکسین دینے سے انکار نہ کریں تو پولیو سے نجات پائی جاسکتی ہے۔

ترجمان نے ایک بار پھر والدین سے اپیل کی کہ وہ آگے بڑھ کر اپنے بچوں کو پولیو کے قطرے ضرور پلائیں، گھر آنے والی ٹیموں سے تعاون کریں۔

Comments

یہ بھی پڑھیں