سوئی سدرن کی جانب سے سندھ اور بلوچستان کے صارفین کیلئے گیس مزید مہنگی کرنے کی درخواست کی گئی ہے۔
تفصیلات کے مطابق سوئی سدرن کی گیس مزید مہنگی کرنے کی درخواست پر اوگرا کل کراچی میں سماعت کرے گی۔ سوئی سددرن نے گیس کی قیمت میں226.18 روپے فی ایم ایم بی ٹی یو مزید اضافہ کی گزارش کی ہے۔
سوئی سدرن گیس کمپنی کی جانب سے تجویز دی گئی ہے کہ اضافے کا اطلاق یکم جولائی 2023 سے کیا جائے۔
اوگرا کو دی گئی درخواست میں کہا گیا ہے کہ سوئی سدرن گیس کی موجودہ اوسط قیمت 1470 روپے 21 پیسے ہے۔
درخواست میں کہا گیا ہے کہ گیس کی نئی اوسط قیمت 1696 روپے 39 پیسے مقررکی جائے۔ سوئی سدرن نے رواں مالی سال 47 ارب 77 کروڑ روپے ریونیو شارٹ فال کا تخمینہ لگایا ہے۔
