The news is by your side.

Advertisement

سندھ اسمبلی میں شور شرابہ، اپوزیشن ارکان نشستوں پرکھڑے ہوگئے

کراچی : سندھ اسمبلی ایک بار پھر میدان جنگ بن گئی اراکین نے ایک دوسرے پر خوب جملہ بازیاں کیں، قائم مقام اسپیکر نے اپوزیشن ارکان کو بولنے کی اجازت نہیں دی، اپوزیشن ارکان نشستوں پرکھڑے ہوگئے۔

تفصیلات کے مطابق سندھ اسمبلی کا اجلاس قائم مقام اسپیکر ریحانہ لغاری کی زیر صدارت ہوا، اجلاس میں اس بار بھی اراکین نے شور شرابہ کیا جس کےت باعث کان پڑی آواز سنائی نہیں دے رہی تھی۔

سندھ اسمبلی میں شور شرابہ کے دوران اپوزیشن ارکان نشستوں پر کھڑے ہوگئے جس پر قائم مقام اسپیکر نے اپوزیشن ارکان کو بولنے کی اجازت نہیں دی۔

اپوزیشن اراکین کا کہنا تھا کہ جی ڈی اے رکن نند کمار نکتہ اعتراض پر بولنا چاہتے ہیں اسپیکر نے کہا کہ سب کو بولنے کا موقع ملے گا، قائم مقام اسپیکر ریحانہ لغاری نے اپوزیشن ارکان کو خاموش کرنے کی کوشش کی لیکن وہ نام رہیں۔

نند کمار کا کہنا تھا کہ جی ڈی اے کے پاس سندھ اسمبلی میں کوئی چیمبر نہیں ہے، وزیر پارلیمانی امور نے کہا کہ جی ڈی اے کے علاوہ تمام پارلیمانی جماعتوں کو چیمبر ملا ہوا ہے، انہوں نے جی ڈی اے ارکان کو چیمبر کی فراہمی کی یقین دہانی کرائی۔

اپوزیشن رکن نے قائم مقام اسپیکر سے مکالمہ کیا جس کے جواب میں قائم مقام اسپیکر نے کہا کہ مجھ سے اس طرح بات نہ کریں، بعد ازاں جی ڈی اے رکن اسپیکر ڈائس کے سامنے آگئے۔

ان کے ہمراہ دیگر اپوزیشن ارکان بھی قائم مقام اسپیکر کے ڈائس کے سامنے پہنچ گئے، قائم مقام اسپیکر نے وقفہ سوالات شروع کرنے کی رولنگ دے دی۔

Comments

یہ بھی پڑھیں