The news is by your side.

Advertisement

کراچی : سندھ اسمبلی کا اجلاس آج ہوگا، اسپیکر سمیت تین ارکان جیل سے آئیں گے

کراچی : سندھ اسمبلی کا اجلاس طویل وقفے کے بعد آج سہ پہر ہوگا، اسپیکر سمیت تین گرفتار ارکان کو جیل سے اسمبلی لایا جائے گا، پروڈکشن آرڈر جاری کردیئے گئے۔

تفصیلات کے مطابق سندھ اسمبلی کا اہم اجلاس 24دن وقفے کے بعد آج سہ پہر دو بجے ہوگا، آغا سراج درانی کی زیر صدارت ہونے والے اجلاس کا ایجنڈا جاری کردیا گیا جو دو صفحات پر مشتمل ہے۔

ذرائع کے مطابق سندھ اسمبلی کے اجلاس میں آغا سراج درانی سمیت تین گرفتار ارکان کو جیل سے لایا جائے گا، اس سلسلے میں سندھ اسمبلی سیکریٹریٹ کی جانب سے پروڈکشن آرڈر جاری کردیئے گئے ہیں۔

اسپیکر سندھ اسمبلی آغا سراج درانی کل اجلاس کی صدارت کریں گے، اجلاس میں اٹھارویں آئینی ترامیم کو امکانی طور ختم کرنے پر بحث ہوگی، پیپلز پارٹی کی رکن غزالہ سیال کی تحریک التوا ایجنڈے میں شامل ہے، وزیر اعلیٰ سندھ مراد علی شاہ ایوان میں پالیسی بیان دیں گے۔

اس کے علاوہ گورنرسندھ نے دہشت گردی اور اتفاقی حادثات کے زخمیوں کے مفت علاج کے جس بل کی منظوری دی ہے، گورنر سندھ کے منظور شدہ بل کا اعلان آج ایوان میں کیا جائے گا، دریں اثناء ایجنڈے میں عوامی مسائل سے متعلق پانچ توجہ دلاؤ نوٹس بھی شامل ہیں۔

Comments

comments

یہ بھی پڑھیں