site
stats
سندھ

رینجرز کے اختیارات: قرار داد کل سندھ اسمبلی میں پیش کئے جانیکا امکان

کراچی : رینجرز کے اختیارات کے معاملات پر قرار داد کل سندھ اسمبلی میں پیش کئے جانے کا امکان ہے، جس کیلئے پیپلزپارٹی کے اراکین اسمبلی کو کل حاضری یقینی بنانے کی ہدایت کی گئی ہے۔

تفصیلات کے مطابق کراچی میں رینجرز کے اختیارات کی مدت میں مزید توسیع کا معاملہ گھمبیر ہوتا جا رہا ہے، صوبائی حکومت ٹال مٹول سے کام لے رہی ہے تو وفاق نے مختلف آپشنز پر غور شروع کرنےکا عندیہ دیدیا ہے۔

کراچی میں رینجرز کوبےاختیارہوئےدسواں روزہے لیکن اختیارات کی مدت میں مزید توسیع دینے کا معاملہ تاحال حل نہ ہو سکا۔

ذرائع کے مطابق سندھ اسمبلی کا اجلاس کل سہ پہر تین بجے ہو گا جس میں یہ قرار داد ایوان میں پیش کی جائے گی، وزیر اعلیٰ سندھ کل صبح آرمی پبلک اسکول کے شہداء کیلئے منعقدہ تقریب میں شرکت کیلئے پشاور جائیں گے۔

مذکورہ تقریب میں پیپلزپارٹی کے چیئرمین بلاول بھٹو زرداری بھی پہنچ رہے ہیں جس کی وجہ سے اجلاس صبح کے بجائے سہ پہر بلایا گیا ہے اور اس اجلاس میں قوی امکان ہے کہ رینجرز کے اختیارات پر قرار داد ایوان میں پیش کی جائے۔

وزیر اعلیٰ سندھ سید قائم علی شاہ اس قرار داد پر ایوان میں خود موجود اور تقریر بھی کرنا چاہتے ہیں جس کی وجہ سے اجلاس ان کی پشاور سے واپسی کے بعد رکھا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top