کراچی: چھوٹی بڑی گاڑیوں کی خرید و فروخت کرنے والوں کیلئے بڑی خبر آگئی۔
تفصیلات کے مطابق 31 اکتوبر سے گاڑیوں کی خریداری کے بعد ملکیت کی تبدیلی صرف بائیو میٹرک تصدیق سے ہی ممکن ہوگی، سینئر وزیر ایکسائز، ٹیکسیشن سندھ کی منظوری سے گاڑی کی ملکیت کی منتقلی کے وقت خریدار اور بیچنے والے کی بائیو میٹرک تصدیق کے نفاذ کا نوٹیفیکیشن جاری کردیا گیا۔
نوٹیفیکیشن کے مطابق گاڑی کی خرید و فروخت میں خریدار کی بائیو میٹرک تصدیق، 31 اکتوبر سے شروع ہو رہی ہے جبکہ گاڑیوں کی خرید و فروخت کے لیے خریدار اور بیچنے والے کی بائیو میٹرک تصدیق، یکم جنوری 2025سے شروع ہو رہی ہے۔
31 اکتوبر کے بعد کوئی بھی گاڑی کا خریداری بائیو میٹرک تصدیق سے کر سکے گا اس کے علاوہ یکم جنوری 2025 سے گاڑیوں کی ملکیت کی تبدیلی خریدار اور بیچنے والے دونوں کی بائیو میٹرک تصدیق لازمی ہوگی۔
سینئر وزیر ایکسائز نے اس حوالے سے کہا کہ گاڑیوں کی بائیو میٹرک تصدیق شفافیت اور جعلسازی کو روکنے میں اہم سنگ میل ہے اس کے علاوہ بائیو میٹرک تصدیق سے گاڑیوں کی غیرقانونی منتقلی اور دھوکا دہی سے بچانے میں مدد ملے گی۔
Currency Rates in Pakistan Today- پاکستان میں آج ڈالر کی قیمت
واضح رہے کہ بائیو میٹرک تصدیق کیلئے نادرا-ای سہولت مراکز یا ڈسٹرکٹ ایکسائز آفس ہو گی۔
یاد رہے کہ اس سے قبل سینئر صوبائی وزیر شرجیل انعام میمن نے کہا تھا کہ تمام نئی اور پرانی گاڑیوں کو رجسٹریشن یا ٹرانسفر کے لیے بائیو میٹرک تصدیق کرانا ہو گی، نئی پالیسی کے تحت تبدیلی 3 مرحلوں میں نافذ کی جائے گی۔