کراچی: مون سون بارشوں سے نمٹنے کے لئے سندھ بلڈنگ کنٹرول اتھارٹی نے رین ایمر جنسی سینٹرقائم کردیا ہے۔
ڈائریکٹر جنرل سندھ بلڈنگ کنٹرول اتھارٹی یاسین شر بلوچ کی جانب سے جاری بیان کے مطابق مون سون بارشوں سے قبل مخدوش اور خطرناک قرار دی گئی عمارتوں کے مکینوں کو انتباہ جاری کردیا ہے، ان عمارتوں کے مکینوں کو فلیٹس خالی کرنےکےنوٹسزجاری کئےجاچکے۔
یاسین شر نے بتایا کہ بارش کےوقت مخدوش حالت عمارتیں کسی وقت بھی زمین بوس ہوسکتی ہیں، پانی کے رساؤ سے شارٹ سرکٹ ،آتشزدگی میں بھی اضافہ ہوجاتاہے، ان عمارتوں کے مکینوں کو فلیٹس خالی کرنےکےنوٹسزجاری کئےجاچکے۔۔
انہوں نے کہا کہ مخدوش،خستہ حالت تعمیرات کی نشاندہی کیلئے رین ایمرجنسی سینٹر میں اطلاع دیں،رین ایمرجنسی سینٹرمیں ٹیکنیکل عملہ تین شفٹوں میں چوبیس گھنٹےڈیوٹی سرانجام دے گا،جس کا مقصد حادثے کی صورت میں انتظامی وامدادی محکموں کیساتھ امداد فراہم کرناہے۔
ڈی جی ایس بی سی اے نے بتایا کہ سروےکےنتیجےمیں کراچی کی پانچ سو پچاس جبکہ سندھ کےدیگر ریجنزکی چھ سو پچاس عمارتوں کو مخدوش قراردیاجاچکا ہے۔
