The news is by your side.

کراچی میں بلدیاتی الیکشن ایک بار پھر ملتوی ہونے کے امکانات

کراچی : سندھ کابینہ نے کراچی ڈویژن میں بلدیاتی الیکشن مزید تین ماہ تاخیر کرانے کی تجویز منظور کرلی اور الیکشن کمیشن کو خط لکھ دیا۔

تفصیلات کے مطابق کراچی ڈویڑن میں بلدیاتی الیکشن ایک بار پھر ملتوی ہونے کے امکانات ہیں ، سندھ کابینہ نے مزید نوے روز کی تاخیر سے الیکشن کرانے کی تجویز منظور کرلی۔

کابینہ نے سرکولیشن کے ذریعے بلدیاتی ایکٹ 2013 کے اختیارات کے تحت 90 روز تاخیر کی تجویز کی منظوری دی۔

سندھ کابینہ سے تجویز کی منظوری کے بعد سندھ حکومت نے الیکشن کمیشن کو خط لکھ دیا ہے۔

یاد رہے سندھ میں بلدیاتی الیکشن ملتوی کرانے کے لیے سندھ حکومت کی جانب سے قانونی رکاوٹ بلدیاتی ایکٹ میں ترمیم بھی کردی گئی تھی ، ایکٹ میں ترمیم سندھ کابینہ سے سرکولیشن سمری کے منظوری لی گئی۔

بلدیاتی ایکٹ کی شق 34کے تحت 120 دن کے اندر الیکشن کرانا تھے، سندھ حکومت کی جانب سے نئی ترمیم کےبعد یہ شق ختم کردی۔

آر آر وائی کے رپورٹر کے مطابق محکمہ داخلہ پولیس نے رپورٹ دی موجودہ حالات بلدیاتی الیکشن کیلئے سازگار نہیں ہے، جس کی وجہ سے شق 34 میں ترمیم کی سرکولیشن سمری کی منظور لی گئی۔

Comments

یہ بھی پڑھیں