کراچی: پیپلزپارٹی نے سندھ کابینہ میں تیسری بار توسیع کا فیصلہ کر لیا.
تفصیلات کے مطابق ایک بار پھر سندھ کابینہ میں توسیع کی جارہی ہے، مزید چار وزیر اور دو مشیروں کو کابینہ میں شامل کرنے پرغور کیا جارہا ہے.
اطلاعات کے مطابق متوقع وزرا میں عبدالعزیز جونیجو، میرنادر مگسی، گھنور خان ، اسران ارباب، لطف اللہ، سید مرادعلی شاہ، شاہ حسین شاہ سرفہرست ہیں.
کابینہ میں دو مشیر بھی شامل کیے جائیں گے، مشیروں کے لئے نثار کھوڑو اور اعجازجکھرانی کے ناموں پر غور کیا جارہا ہے.
سندھ کابینہ میں مزید 10 وزرا شامل کرنے کا فیصلہ
سندھ اسمبلی ارکان کومعاون خصوصی بنانے پربھی مشاورت جاری ہے، سندھ کابینہ کےارکان کے نام شارٹ لسٹ کرنے کے بعد باضابطہ اعلان ہوگا.
کابینہ میں توسیع کی حتمی منظوری بلاول بھٹو زرداری دیں گے، کابینہ میں شامل نئےارکان کی حلف برداری رواں ہفتہ ہونےکا امکان ہے.
واضح رہے کہ صوبائی حکومت کے قیام کے بعد سندھ حکومت تیسری بار کابینہ میں توسیع کر رہی ہے.
تجزیہ کاروں کی جانب سے کابینہ میں توسیع کے فیصلے کو تنقید کا نشانہ بنایا گیا ہے۔ یاد رہے کہ وفاقی کابینہ میں اضافے کی اطلاعات بھی گردش کر رہی ہیں۔
