کراچی: وزیراعلیٰ سندھ سید مراد علی شاہ نے سندھ کابینہ کا اہم اجلاس آج پیر کی صبح 9 بجے سندھ سیکریٹریٹ میں میں طلب کرلیا۔
تفصیلات کے مطابق وزیراعلیٰ سندھ سید مراد علیٰ شاہ آج ہونے والے سندھ کابینہ کے اجلاس کی صدارت کریں گے، دوران اجلاس اہم امور زیرغور آئیں گے۔
سندھ کابینہ کے اجلاس کے لیے جاری کردہ 8 نکاتی ایجنڈے میں دیگر امور کے علاوہ سندھ کابینہ گوررنرسندھ کی جانب سے دستخط کے بغیر دوبارہ غور کے لیے بھجوائے گئے پولیس ایکٹ سے متعلق بھی جائزہ لیا جائے گا۔
پولیس ایکٹ 1861کی منسوخی اور پولیس آرڈر2002 کی بحالی کا ترمیمی بل 2019 کا جائزہ لے گی اور گورنر سندھ کے آئینی اعتراضات پر مشاورت کے بعد بل کو دوبارہ اسمبلی میں منظوری کے لیے بھجوانے سمیت ایجنڈے پر موجود دیگر امور سے متعلق صوبائی کابینہ اہم فیصلے کرے گی۔
دوسری جانب چیئرمین پیپلز پارٹی بلاول بھٹو دبئی سے اسلام آباد پہنچ گئے، پاکستان پیپلز پارٹی کی سی ای سی کا اجلاس کل شام زرداری ہاؤس میں منعقد ہوگا۔
آصف زرداری آج اسلام آباد ہائی کورٹ میں پیش ہوں گے، دوسری طرف زرداری ہاؤس میں پیپلز پارٹی کی سی ای سی کا اجلاس منعقد ہوگا۔
بلاول بھٹو دبئی سے اسلام آباد پہنچ گئے، سی ای سی اجلاس کل منعقد ہوگا
قبل ازیں، چیئرمین پیپلز پارٹی بلاول بھٹو نے عمر کوٹ میں اقلیتی برادری پر پولیس تشدد کا نوٹس لیتے ہوئے کہا کہ پر امن احتجاج ہر شہری کا حق ہے، پولیس تشدد برداشت نہیں کیا جائے گا۔
