کراچی : سندھ کابینہ نے کورونا وائرس ایمرجنسی فنڈ بند کرنے کی منظوری دے دی ،اس وقت اکاؤنٹ میں 35 ملین روپے سے زائد رقم موجود ہے۔

تفصیلات کے مطابق وزیراعلیٰ سندھ مرادعلی شاہ کی زیرصدارت سندھ کابینہ کا اجلاس ہوا، ، اجلاس میں صوبائی وزرا، مشیر، معاون خاص، چیف سیکریٹری، چیئرمین پی اینڈ ڈی، پرنسپل سیکریٹری اور دیگر متعلقہ افسران شریک ہوئے۔

سندھ کابینہ نے کورونا وائرس ایمرجنسی فنڈبند کرنے کی منظوری دے دی۔

اجلاس میں بریفنگ دیتے ہوئے بتایا گیا کہ فنڈ چیف سیکریٹری کےتحت6رکنی باڈی انتظام کررہی تھی، 18 مارچ 2020 سے 21 اپریل 2021 تک 17 اجلاس ہوئے۔

بریفنگ میں کہا کہ کوروناوائرس ایمرجنسی فنڈمیں 3699 ملین روپے رقم آئی، اس فنڈ کے اخراجات 32077.23 ملین روپے رہے، اس وقت اکاؤنٹ میں 35 ملین روپے سے زائد رقم موجود ہے۔

اس کے علاوہ کابینہ نے بقیہ رقم سیلاب متاثرین کےگھروں کی تعمیر کیلئےخرچ کرنےکی منظوری بھی دی۔