چیف جسٹس کے بیٹے کی بحفاظت بازیابی یقینی بنائی جائے، عمران خان -
The news is by your side.

Advertisement

چیف جسٹس کے بیٹے کی بحفاظت بازیابی یقینی بنائی جائے، عمران خان

اسلام آباد: عمران خان کہتے ہیں چیف جسٹس سندھ ہائیکورٹ کےبیٹے کااغوا قانون نافذکرنے والے اداروں کی کارکردگی پر بڑاسوالیہ نشان ہے۔

واقعہ کو تشویشناک قرار دیتے ہوئےتحریک انصاف کےسربراہ عمران خان نے کہا کہ جس صوبےمیں چیف جسٹس کےاہل خانہ تک محفوظ نہیں وہاں شہریوں کےتحفظ کی کیاکیفیت ہوگی۔

عمران خان نےکہا حکومت سندھ چیف جسٹس کے بیٹے کی بروقت اور بحفاظت بازیابی کویقینی بنائے۔

چیف جسٹس سندھ ہائیکورٹ سجاد علی شاہ کے بیٹے اویس شاہ کی بازیابی کیلئے قانون نافذ کرنے والے اداروں کی کوششیں جاری ہیں۔

وزیراعلٰی قائم علی شاہ نے اویس شاہ کی بازیابی کو حکومت سندھ اور سیکیورٹی اداروں کے لئے چیلنج قراردے دیا، سندھ ہائیکورٹ میں جسٹس سجاد علی شاہ سے ملاقات بھی کی سیاسی قائدین نے بحفاظت بازیابی کا مطالبہ کردیا۔

پیپلزپارٹی کے چیئرمین آصف علی زرداری نے وزیرداخلہ انورسیال سے کہا ہے کہ انہیں لمحہ بہ لمحہ آگاہ رکھا جائے، ٹیلیفونک رابطےمیں سابق صدر نے حکومت سندھ کو اویس شاہ کی بحفاظت واپسی یقینی بنانےکی ہدایت کی۔

ایم کیوایم رابطہ کمیٹی نےآپریشن کی کامیابی پر سوالات اٹھا دیے، ایم کیوایم کا کہنا ہے جب چیف جسٹس کابیٹا محفوظ نہ ہو تو عام شہریوں کا تحفظ کیسے ہو۔

اویس شاہ کے اغواکے خلاف وکلا برادری نےبھی سندھ کے مختلف شہروں میں احتجاج کرتےہوئے بحفاظت بازیابی کامطالبہ کیا۔

Comments

comments

یہ بھی پڑھیں