کراچی : وزیراعلیٰ سندھ مراد علی شاہ نے تاجروں کو مشورہ دیتے ہوئے کہا کہ آپ مذاق کیا کریں لیکن ان کیساتھ جوبرداشت کرسکیں کیونکہ آپ لوگ مذاق کرتے ہیں دوسرے لوگ سیریز لے لیتے ہیں۔
تفصیلات کے مطابق وزیراعلیٰ سندھ مراد علی شاہ نے تاجر برادری سے خطاب کرتے ہوئے کہا کہ آج بزنس کمیونٹی کی تمام باتیں سنی ہیں، جہاں پوری دنیا کے لوگ آکر رہتے ہوں وہاں مسائل تو ہں گے ، کراچی پاکستان کاگروتھ انجن ہے اور پورے پاکستان کو چلاتا ہے.
وزیراعلیٰ سندھ کا کہنا تھا کہ مجھے حال ہی میں پتہ چلا کہ تاجر مذاق کرتے ہیں ، مذاق ان لوگوں کے ساتھ کیا کریں جو برادشت کرسکیں اور جو مذاق برداشت نہیں کرسکتے وہ کسی اورڈائریکشن میں چلے جاتے ہیں، آپ لوگ مذاق کرتے ہیں دوسرے لوگ سیریز لے لیتے ہیں۔
مزید پڑھیں : مریم ہمیں دے دیں! کراچی کے تاجر رہنما عتیق میر نے یوٹرن لے لیا
انھوں نے بتایا کہ اس صوبے کے لوگوں کاجوحق ہےوہ نہیں ملتا ، کراچی کےایشوزنئےنہیں ہیں، کراچی میں ہم نےوہ زمانہ بھی دیکھا ہے آرگنائزڈ بھتہ لیا جاتا تھا، وہ دور بھی دیکھاہے کہ ماہانہ گاڑیوں سےبھتہ لیاجاتاتھا، سکھرسےلاڑکانہ جانے کیلئے کانوائے کا انتظار کرنا پڑتا تھا۔
مراد علی شاہ نے کہا کہ دو ڈھائی کروڑ کا شہر ہے پوری دنیا سے لوگ آکر یہاں رہتے ہیں، ہم نے پہلے بھی کوشش کی کہ سب کوساتھ ملائیں لیکن نہ ہوسکا، سال 2013 سے 2015 کے بعد حالات بہترہوناشروع ہوئے۔
وزیراعلیٰ سندھ کا مزید کہنا تھا کہ ابھی تک ہمیں دہشت گردی کے خطرات ہیں، کراچی سب کیلئے بہت آسان ٹارگٹ ہوتا ہے، لا اینڈ آرڈر بہتر ہونے کے بعد کراچی کے انفرا اسٹریکچر پر توجہ دی۔
انھوں نے کہا کہ توانائی کے مسئلے کا حل صرف صوبہ سندھ کے پاس ہے ، ہم ماحول کو آلودہ نہیں کرنا چاہتے، آئیں مل کر بجلی کی قیمتوں کو کم کرتے ہیں، ہماری بیورو کریسی آئی ایم ایف کو خود بتاتی ہے ادھر سے پیسے نکالو۔
