The news is by your side.

Advertisement

کورونا ایس اوپیز پر نیا حکم نامہ : ‌کراچی والوں کو بڑا ریلیف مل گیا

کراچی : محکمہ داخلہ سندھ نے کورونا ایس اوپیز پر نیا حکمنامہ جاری کرتے ہوئے کراچی میں ایک ہزار افراد کی شادی بیاہ اوردیگرتقاریب کی اجازت دے دی۔

تفصیلات کے مطابق سندھ‌ حکومت نے کورونا کیسزکی شرح میں کمی کے پیش نظر پابندیوں میں مزید نرمی کردی ہے۔

اس حوالے سے محکمہ داخلہ سندھ نے کورونا ایس اوپیز پر نیا حکمنامہ جاری کردیا، جس میں کہا ہے کہ کراچی میں ایک ہزار افراد کی شادی بیاہ اوردیگرتقاریب کی اجازت ہوگی۔

حکمنامے میں ٹرینوں میں 80 فیصد مسافروں کی گنجائش کے ساتھ سفر کی اجازت سمیت ہوٹلز اور ریسٹورنٹس میں رات 12 بجے تک ڈائننگ کی اجازت دے دی گئی ہے۔

محکمہ داخلہ سندھ کا کہنا تھا کہ ہفتے کے 7 روز رات 10بجے تک کاروبار کی اجازت ہوگی۔

خیال رہے پاکستان میں کورونا کیسزکی شرح کم ترین سطح پر آگئی ہے ، صرف 6 اموات اور216 کیسز رپورٹ ہوئے۔

این سی اوسی کا کہنا تھا کہ ملک میں 24 گھنٹوں کے دوران 33ہزار435 کورونا ٹیسٹ کیے گئے، جس میں سے 216 افراد میں کورونا کی تصدیق ہوئی، اس دوران کورونا ٹیسٹ مثبت نکلنے کی شرح 0.64 فیصد رہی۔

Comments

یہ بھی پڑھیں