محکمہ تعلیم سندھ میں سیکڑوں گھوسٹ اور مفرور ملازمین کا انکشاف

کراچی : سندھ کے محکمہ تعلیم میں سیکڑوں کی تعداد میں گھوسٹ اور مفرور ملازمین کی موجودگی کا انکشاف ہوا ہے۔

اس حوالے سے ذرائع کا کہنا ہے کہ دادو کے چیف مانیٹرنگ افسر کی نشاندہی پر ڈی ای او نے فہرست جاری کردی ہے، جس میں محکمہ تعلیم دادو میں600سے زائد گھوسٹ اور مفرور ملازمین کا انکشاف سامنے آیا۔

مذکورہ رپورٹ منظر عام پر آنے کے بعد ڈپٹی ڈی ای او نے تعلقہ ایجوکیشن افسران سے فوری جواب طلب کرلیا۔

ذرائع کے مطابق گھوسٹ اور مفرور ملازمین میں پرائمری، سیکنڈری، مڈل اسکول کا ٹیچنگ اور نان ٹیچنگ عملہ شامل ہے۔

ڈی ای او کے مطابق اگست 2023 سے فروری 2024 تک ملازمین گھوسٹ اور مفرور ہیں، ڈپٹی ڈی ای او کا کہنا ہے کہ افسران سے غیرحاضر ملازمین سے متعلق جواب مانگا گیا ہے۔

Comments