The news is by your side.

Advertisement

صوبائی وزیرتعلیم کا کراچی کے اسکول کالجز پراچانک چھاپہ

کراچی: صوبائی وزیر تعلیم سید سردار علی شاہ  نے  صبح سویرے کراچی کے اسکولوں اور کالجز کا اچانک دورہ کیا، تعلیمی اداروں کی حالتِ زار پر اظہار برہمی کرتے ہوئے فوری اقدامات کی ہدایت کردی۔

تفصیلات کے مطابق صوبائی وزیر تعلیم سیدسردار شاہ صبح  نو بجے گورنمنٹ بوائز لوئر سیکنڈری اسکول شیریں جناح کالونی پہنچ گئے جہاں انہوں نے اساتذہ کی حاضری  کے رجسٹر  بھی چیک کئے۔

انہوں نے کلاس رومز میں جاکر اساتذہ سے بچوں کے نام پوچھے، نام نہ معلوم ہونے پر کہا کہ بچوں کے نام یاد نہیں مطلب بچوں کو پیار نہیں کرتے۔ اس موقع پر ان کا کہنا تھا کہ پڑھانے والا استاد وہ ہے جس کو ہر بچے کا نام زبانی یاد ہے۔

اس موقع پرہیڈ ماسٹرنے بتایا کہ اسکول کا ایک ٹیچر ڈائریکٹر سیکنڈری کے آفس میں ڈیوٹی کرتا ہے، جس پر وزیرتعلیم نے حامد کریم کو فون کیا اور استاد کو فوراً واپس اسکول بھیجنے کا حکم صادر کیا۔

یہاں سے نکل کر وزیر تعلیم نے گورنمنٹ گرلز ڈگری کالج زمزمہ کا رخ کیا۔ یہاں اساتذہ کی غیرحاضری پرانہوں نے برہمی کا اظہار کرتے ہوئے غیرحاضر اساتذہ کوشو کاز نوٹس جاری کرنے کی ہدایت کی۔

کالج میں سویپرز موجود ہونے کے باوجود صفائی نہ ہونے پر انہوں نے پرنسپل کی سرزنش کی ۔ سوال کیا کہ جب مالی مقرر ہے تو پھول مرجھائے ہوئے کیوں ہیں؟۔

اساتذہ سے سوال جواب کرتے ہوئے انہوں نے پوچھا کہ اب تک کتنے پریکٹیکلز کروائے جاچکے ہیں۔ لیب کا دورہ کیا اور وہاں سائنسی آلات نہ ہونے پر شدید برہمی کا اظہار کرتے ہوئے ضروری اقدامات کرنے کی ہدایت کی۔

Comments

comments

یہ بھی پڑھیں