کراچی: صوبہ سندھ کے وزیر جنگلات تیمور تالپور کا کہنا ہے کہ تیمر (مینگرووز) کے جنگلات سے کاربن کریڈٹ کی مد میں سندھ حکومت کو 3 ارب روپے موصول ہوئے۔
سندھ اسمبلی کے اجلاس کے دوران صوبائی وزیر جنگلات تیمور تالپور کا کہنا تھا کہ پاکستان تحریک انصاف کے دور میں بھی تسلیم کیا گیا کہ سندھ کے محکمہ جنگلات نے بہتر کام کیا۔
صوبائی وزیر کا کہنا تھا کہ ہمارے مینگرووز سے کاربن کریڈٹ دنیا خرید رہی ہے، سندھ حکومت ایک ہیکٹر پر 10 ہزار روپے میں مینگرووز لگا رہے ہیں۔
- Advertisement -
انہوں نے کہا کہ مینگروز سے کاربن کریڈٹ کی مد میں سندھ حکومت کو 3 ارب روپے وصول ہوئے، مینگرووز لگانے پر 3 دفعہ سندھ حکومت کا نام گنیز بک آف ورلڈ ریکارڈز میں آیا۔
