The news is by your side.

’سندھ حکومت جبری شادیوں کیخلاف قانون پر اعتماد سازی کررہی ہے‘

وزیر خارجہ بلاول بھٹو کا کہنا ہے کہ سندھ میں جبری شادیوں کے خلاف سندھ حکومت قانون پر اعتماد سازی کررہی ہے۔

اے آر وائی نیوز کے مطابق پاکستان پیپلزپارٹی کے چیئرمین بلاول بھٹو زرداری کا کہنا ہے کہ سندھ میں جبری شادیوں سے متعلق وزیر اعلیٰ سندھ سید مراد علی شاہ سے بات ہوئی ہے۔

انہوں نے کہا کہ سیاسی جماعتوں کے اتفاق رائے کے لیے کمیٹی تشکیل دے دی گئی ہے جبکہ سندھ حکومت کم عمر بچیوں کی شادی کے خلاف پہلے ہی قانون سازی کرچکی ہے۔

بلاول بھٹو نے کہا کہ پُرامید ہوں کہ جبری شادیوں کے خلاف ہماری کوششیں کامیاب ہوں گی۔

سندھ حکومت اقلیتوں کے حقوق کا ہر صورت تحفظ کرے گی، وزیر اعلیٰ سندھ

دوسری جانب وزیراعلیٰ سندھ کی زیر صدارت جبری مذہب کی تبدیلی کے قانون سے متعلق جائزہ اجلاس ہوا، مراد علی شاہ نے جبری مذہب کی تبدیلی کے قانون پر اتفاق رائے کے لیے چیف سیکریٹری کو کمیٹی تشکیل دینے کی ہدایت کردی۔

مراد علی شاہ نے کہا کہ جبری مذہب کی تبدیلی کی روک تھام کے لیے اقدامات کررہے ہیں، سندھ حکومت اقلیتوں کے حقوق کا ہر صورت تحفظ کرے گی۔

Comments

یہ بھی پڑھیں