ٹیلی ویژن پر براہ راست نشر ہونے والے اس سیشن کے دوران وزیر اعظم عمران خان سے کراچی کی رہائشی ایک خاتون نے سوال کیا کہ آپ صوبہ سندھ کو پیپلز پارٹی سے کب آزاد کروائیں گے۔
جس کے جواب میں عمران خان کا کہنا تھا کہ بھرپور طریقے سے دوبارہ اقتدار میں آکر سندھ سے تمام محرومیوں کا خاتمہ کریں گے کیونکہ اٹھارہویں ترمیم کے بعد صوبے خود مختار ہیں۔
- Advertisement -
ایک کالر کے سوال کے جواب میں عمران خان نے کہا کہ اپنے ساڑھے تین سالہ دور اقتدار میں ہم نے دیکھا کہ ایسے لوگ ہمیں بلیک میل کررہے تھے جن کا پاکستان کا کوئی خیال نہیں تھا۔
ان کا کہنا تھا کہ پہلے بھی کے پی کے میں ہم نے پانچ سال پورے کیے اور بہترین حکومت چلائی، اور اب وفاق میں بھی بہت بڑے بڑے منصوبے چل رہے ہیں جن کو پورا ہونے میں وقت درکار ہے۔
