کراچی:سندھ حکومت نےاسلحہ لائسنس کے اجرا پر پابندی ختم کرنے کا اعلان کردیا۔
تفصیلات کے مطابق محکمہ داخلہ نے سندھ بھرمیں اسلحہ لائسنس کے اجرا پرپابندی ختم کردی جس کا باقاعدہ نوٹیفکیشن بھی جاری کردیا گیا ہے۔
محکمہ داخلہ سندھ کا کہنا ہے کہ غیرممنوعہ بورکے کمپیوٹرائزڈ اسلحہ لائسنس کا اجرا کیا جائےگا، اسلحہ لائسنس کااجراسندھ آرمزلائسنس ایکٹ کےتحت ہوگا۔
محکمہ داخلہ کے مطابق ہرماہ مقررہ کوٹہ کےتحت اسلحہ لائسنس جاری کیے جائیں گے۔
واضح رہے کہ سندھ بھر میں کافی عرصے سے نئے اسلحہ لائسنس کے اجرا پر پابندی عائد تھی جو اب اٹھا لی گئی ہے۔
محکمہ داخلہ سندھ کی جانب سے غیر تصدیق شدہ ڈھائی لاکھ سے زائد اسلحہ لائسنس غیر قانونی قرار دیے جاچکے ہیں۔
