سندھ حکومت کی جانب سے مرحوم گورنر کے لیے دعائیہ تقریب -
The news is by your side.

Advertisement

سندھ حکومت کی جانب سے مرحوم گورنر کے لیے دعائیہ تقریب

کراچی: سندھ حکومت کی جانب سے مرحوم گورنر سعید الزماں صدیقی کے لیے دعائیہ تقریب آج دوپہر ڈیڑھ بجے گورنر ہاؤس میں ہوگی۔

تفصیلات کے مطابق کل شام انتقال کر جانے والے گورنر سندھ سعید الزماں صدیقی کے لیے دعائیہ تقریب آج دوپہر ڈیڑھ بجے گورنر ہاؤس میں ہوگی جس کے لیے چیف سیکریٹری سندھ نے ہدایت نامہ جاری کردیا ہے۔

دعائیہ تقریب میں تمام محکموں کے سیکریٹریز کو شرکت کی ہدایت کی گئی ہے جبکہ سندھ کابینہ کے اراکین کو بھی تقریب میں شرکت کا کہا گیا ہے۔

مرحوم گورنر سعید الزماں صدیقی کے بیٹے افنان صدیقی بھی دعائیہ تقریب میں شریک ہوں گے۔

واضح رہے کہ دو ماہ قبل گورنر سندھ کے عہدے پر فائز کیے جانے والے جسٹس ریٹائرڈ سعید الزماں صدیقی کل شام انتقال کر گئے تھے۔ وہ گورنر کا منصب سنبھالنے کے بعد علیل ہی رہے اور سرکاری امور انجام نہ دے سکے۔

Comments

comments

یہ بھی پڑھیں