کراچی: سندھ حکومت نے صوبے بھر میں 10 ہزار مکانات تعمیر کرنے کا فیصلہ کیا ہے، بلاول بھٹو نے نواب وسان کو ترقیاتی اسکیمز تیز کرنے کی ہدایت کردی۔
تفصیلات کے مطابق سندھ حکومت نے صوبے بھر میں 10 ہزار مکانات تعمیر کرنے کا فیصلہ کیا ہے جس کے تحت پہلے مرحلے میں 10 ہزار گھر قرعہ اندازی کے ذریعے مفت دئیے جائیں گے، دوسرے مرحلے میں مزید گھر دئیے جائیں گے۔
[bs-quote quote=”لاڑکانہ، نواب شاہ اور حیدرآباد میں ہاؤسنگ منصوبوں کا آغاز کیا جائے گا،” style=”style-6″ align=”left”][/bs-quote]
وزیراعلیٰ سندھ سید مراد علی شاہ کے معاون خصوصی نواب وسان نے پیپلزپارٹی کے چیئرمین بلاول بھٹو سے ملاقات کی، بلاول بھٹو نے بے نظیر ہاؤسنگ سیل کے منصوبوں پر مسرت کا اظہار کیا۔
سندھ حکومت کے تحت لاڑکانہ، نواب شاہ اور حیدرآباد میں ہاؤسنگ منصوبوں کا آغاز کیا جائے گا، خیرپور میں کم تنخواہ دار افراد کو 2 ہزار پلاٹ دئیے جائیں گے۔
کراچی میں بے نظیر فلیٹ پروجیکٹ اور مفت پلاٹ اسکیم شروع کرنے کی منصوبہ بندی کرلی گئی ہے، بلاول بھٹو نے بے نظیر ہاؤسنگ سیل منصوبوں کی افتتاح کی دعوت قبول کرلی۔
بلاول بھٹو سے ارکان اسمبلی، صوبائی وزرا نے الگ الگ ملاقاتیں کیں، بلاول بھٹو نے وزیراعلیٰ سندھ کے معاون خصوصی نواب وسان کو ترقیاتی اسکیمز تیز کرنے کی ہدایت کردی۔
مزید پڑھیں: نیا پاکستان ہاؤسنگ اسکیم، 50 لاکھ گھروں کی رجسٹریشن کا عمل شروع
واضح رہے کہ وفاقی حکومت نے پہلے ہی 50 لاکھ گھروں کی تعمیر کا اعلان کررکھا ہے جس کی رجسٹریشن کا عمل شروع ہوگیا ہے، جس کے مطابق خاندان میں صرف ایک ہی شخص رجسٹریشن کے لیے اہل ہوگا، رجسٹریشن کے ذریعے ماہانہ آمدنی گھر کے افراد کی تفصیلات سے حاصل ہوں گی۔
