The news is by your side.

Advertisement

سندھ حکومت کا بارشوں سے جاں بحق افراد کو معاوضہ دینے کا فیصلہ

کراچی: سندھ کابینہ نے بارشوں کے باعث جاں بحق ہونے والے افراد کے اہل خانہ کو فی کس ایک لاکھ روپے دینے کی منظوری دے دی ہے۔

تفصیلات کے مطابق وزیراعلیٰ سندھ مراد علی شاہ کی زیر صدارت صوبائی کابینہ کا اجلاس وزیراعلیٰ ہاؤس میں ہوا، اجلاس میں صوبائی وزرا، مشیران، چیف سیکریٹری ودیگر متعلقہ افسران شریک ہوئے، اجلاس میں  کرونا کے باعث ایم پی اے جام مدد علی ودیگر کےانتقال پردعائےمغفرت کی گئی۔

منٹس آف میٹنگ کے بعد بارش متاثرین کی امداد کےایجنڈے پر تبادلہ خیال کیا گیا، جس میں میں بارشوں سے متاثرین کو معاوضہ دینے پر غور کیا گیا،اجلاس کے شرکا کو بریفنگ دی گئی کہ حالیہ مون سون بارشوں میں سندھ بھر میں ایک سو انچاس افراد کا انتقال ہوا۔

بعد ازاں سندھ کابینہ بارشوں کے باعث انتقال کرنے والے افراد کے اہلخانہ کو ایک لاکھ روپے معاوضے کی منظوری دے دی، زخمیوں کو فی کس 25 ہزار اور سندھ بارشوں اور سیلاب کے باعث پکا اور کچا گھر متاثر ہونے پر 10 ہزار روپے دینےکی منظوری دی گئی۔

Karachi to remain cloudy with chance of rainfall but interior Sindh at risk

سندھ کابینہ نے بارشوں کے باعث بڑے جانوروں کے مرنےپر فی کس 10 ہزار روپے اور چھوٹےجانوروں کے مرنے پر 5 ہزار روپے فی کس دینے کی منظوری  دی، اس کے علاوہ اجلاس میں بارشوں سے اسمال بزنس، فصلیں متاثر ہونے پر ریلیف دینے کا فیصلہ کیا گیا۔

کابینہ کو بتایا گیا کہ سندھ حکومت اپنی طرف سے ٹیکس میں چھوٹ دےگی اس کے علاوہ وزیراعلیٰ سندھ وفاق سے چھوٹے متاثر کاروبار کو ٹیکس چھوٹ دینےکی درخواست کرینگے۔

صوبائی کابینہ کو بریفنگ میں بتایا گیا کہ یہ کل معاوضہ 4 بلین روپے سے زیادہ ہوگا، اس کے علاوہ وفاقی حکومت سےدرخواست کرینگے کہ وہ بھی چار بلین روپے دیں، وفاق نے4 بلین روپے دیئےتو معاوضہ دگنا کردیا جائے گا۔

Comments

یہ بھی پڑھیں