کراچی : سندھ حکومت نے وفاقی حکومت سے افغان پناہ گزین کو واپس بھیجنے کا مطالبہ کردیا اور کہ سندھ کو مشکلات ہیں، پناہ گزین کو اسلام آباد یا کےپی میں پناہ دی جائے۔
تفصیلات کے مطابق سندھ حکومت نے مدت پوری ہونےپر وفاق سے افغان پناہ گزین کوواپس بھیجنے کا مطالبہ کردیا، وزیر زراعت سندھ اسماعیل راہو نے کہا کہ وفاقی حکومت افغان پناہ گزین کی مدت نہ بڑھائے،اپنے ممالک واپس بھیجے۔
اسماعیل راہو کا کہنا تھا کہ سندھ کو مشکلات ہیں، افغان پناہ گزین کو اسلام آباد یا کےپی میں پناہ دیں، کراچی میں 25 لاکھ سے زائد غیرقانونی تارکین وطن آباد ہیں، سندھ کوئی یتیم خانہ نہیں جو باہرسے آئے، ہر غیر ملکی کو پناہ دے۔
صوبائی وزیر نے کہا وفاق بتائے ابتک کتنے غیرملکی تارکین وطن کی رجسٹریشن کرچکا ہے، وفاقی اداروں میں رشوت دے کرکوئی بھی غیر ملکی شہریت لے لیتا ہے۔
ان کا مزید کہنا تھا کہ زیادہ تر تارکین وطن جرائم میں ملوث ہیں ان کو واپس بھیجا جائے، غیر قانونی لوگ ہی کراچی میں بدامنی،بے روزگاری کی بنیادی وجہ ہیں۔
