The news is by your side.

Advertisement

حکومت سندھ ڈاکٹرز کو حفاظتی اور دیگر سامان فراہم کررہی ہے: ناصر حسین شاہ

کراچی: وزیراطلاعات سندھ ناصر حسین شاہ نے کہا ہے کہ کروناوائرس کے باعث ملک میں مشکل وقت ہے، ڈاکٹر ہمارے لیے ہی کام کررہے ہیں، ہمیں ڈاکٹروں کی بہت ضرورت ہے۔

تفصیلات کے مطابق سندھ حکومت نے جناح اسپتال کی ویڈیو وائرل ہونے کا نوٹس لیا اور صوبائی وزیرناصر حسین شاہ دورے پر اسپتال پہنچ گئے، اس موقع پر انہوں نے ایمرجنسی اور کوڈ وارڈ کا معائنہ کیا۔

اس موقع پر ایگزیکٹوڈاکٹر سیمی جمالی اور طبی عملے کے لوگ بھی ناصر حسین شاہ کے ہمراہ تھے۔ صوبائی وزیر کا کہنا ہے کہ مشکل وقت ہے، ڈاکٹر ہمارے لیے ہی کام کررہے ہیں۔

پاکستان میں کرونا کے مصدقہ کیسز کی تعداد 14079 ہو گئی، 301 جاں بحق

انہوں نے کہا کہ ہمیں ڈاکٹروں کی بہت ضرورت ہے، ان پر تنقید مناسب نہیں، کچھ لوگ ویڈیوز وائرل کر کے پروپیگنڈا کررہے ہیں، ڈاکٹروں اور پیرامیڈیکل اسٹاف کو ہراساں اور دل شکنی نہ کی جائے۔

انہوں نے بتایا کہ حکومت سندھ ڈاکٹرز کو حفاظتی اور دیگر سامان فراہم کررہی ہے، ہم ہر ممکن طریقے سے مریضوں کا خیال کرتے ہیں، کچھ لوگ غلط ویڈیو وائرل کرکے پروپیگنڈہ کررہے ہیں۔

Comments

یہ بھی پڑھیں