کراچی:وزیر اطلاعات سندھ ناصر حسین شاہ نے کہا ہے کہ ایک این جی او نے 50 ہزار ماسک دیئے ہیں۔
صوبائی کابینہ کے اجلاس کے بعد میڈیا کو بریفنگ دیتے ہوئے وزیر اطلاعات نے کہا کہ کےپی ٹی سےسویابین لانے والے امریکی جہاز کو ہٹا دیا ہے اور واقعے پر وزیراعلیٰ نے ہدایت کی ہے قانونی طور پر جو بھی کارروائی بنتی ہے کی جائے۔
انہوں نے کہا کہ آج اجلاس میں سیکریٹری داخلہ نے قیام امن پربریفنگ دیتے ہوئے بتایا فور ویلر گاڑیوں کے چھیننے کے واقعات میں اضافہ ہوا ہے، کراچی میں امن بڑی قربانیوں سے قائم ہوا، آئی جی کو فوری طور پر چھٹی پر جانا چاہیے، آئی جی پر وفاق کی جانب سے سرد مہری کامظاہرہ افسوسناک ہے۔
یہ بھی پڑھیں: کراچی میں زہریلی گیس سے اموات کی اصل وجہ سامنے آگئی
پاکستان سپر لیگ کے حوالے سے ان کا کہنا تھا کہ پی ایس ایل کی شاندار تقریب ہو گی، پی ایس ایل کیلئےفول پروف سیکیورٹی کو یقینی بنایا گیا ہے اور تمام انتظامات مکمل کر لیےگئے ہیں۔
محراب پور میں قتل ہونے والے صحافی عزیز میمن کے واقعے پر افسوس کا اظہارتے ہوئے انہوں نے کہا کہ عزیز میمن کےبھائی کی مدعیت میں مقدمہ درج کر لیا گیا ہے اور ایس ایس پی تنویر تنیو تحقیقات کریں گے۔
