The news is by your side.

Advertisement

سندھ حکومت نے48دن میں 12ارب روپے کوروناکی مدمیں خرچ کردیے

کراچی : سندھ حکومت نےکوروناوائرس پرقابوپانےکیلئےاڑتالیس روز میں بارہ ارب روپے کورونا کی مدمیں خرچ کردیئے اور اخراجات کی تفصیلات جاری کردیں۔

سندھ حکومت کےکوروناوائرس پرقابوپانےکیلئے اخراجات کی تفصیلات جاری کردیں ، محکمہ خزانہ کی دستاویز میں بتایا گیا کہ حکومت نے48دن میں12ارب کورونا کی مدمیں خرچ کئے، ڈپٹی کمشنرجامشوروپرمہربانیاں،50لاکھ روپےکی خصوصی گرانٹ جاری کی۔

دستاویز میں بتایا گیا ضلع جامشورومیں کوروناوائرس پازیٹوکے 2کیسزرپورٹ ہوئے، ڈپٹی کمشنرملیرکو5کروڑروپے،ڈپٹی کمشنرلاڑکانہ کو50لاکھ روپےدئیے ، اسی طرح سکھر انتظامیہ کو9کروڑروپےکےفنڈزدئیےگئے۔

محکمہ خزانہ کے مطابق راشن تقسیم کیلئے29ڈپٹی کمشنرزکو1ارب 8کروڑکےخصوصی فنڈز اور محکمہ صحت سیکریٹریٹ کو5 کروڑ روپے کی خصوصی گرانٹ جاری کی گئی جبکہ ڈائریکٹرجنرل ہیلتھ حیدرآبادکوایک ارب روپےخصوصی گرانٹ دی گئی۔

دستاویز میں بتایا گیا پی ڈی ایم اےکو2ارب50کروڑروپےکافنڈ اور ڈپٹی کمشنرحیدرآباد کو قرنطینہ کیلئے3 کروڑ روپے کے خصوصی فنڈز دئیے گئے جبکہ سندھ کے بیشتر اضلاع میں قرنطینہ قائم، چند اضلاع کے ڈپٹی کمشنرز کو فنڈز جاری ہوئے اور سروسزاسپتال کورونا آئی سی یو کیلئے ایک کروڑ34لاکھ سے زائد کی خصوصی گرانٹ دی گئی۔

Comments

یہ بھی پڑھیں