کراچی : گورنر سندھ کامران ٹیسوری نے کراچی میں اسٹریٹ کرائمز کا نوٹس لیتے ہوئے کہا ان واقعات کوکنٹرول کرنے کے لئے جامع اقدامات کئے جائیں۔
تفصیلات کے مطابق گورنر سندھ کامران ٹیسوری نے اسٹریٹ کرائمز اور کراچی کی صورتحال پر نوٹس لے لیا۔
اس سلسلے میں گورنر سندھ کامران ٹیسوری سے ایڈیشنل آئی جی کراچی کی ملاقات ہوئی ، ملاقات میں امن و امان کی صورتحال اور اسٹریٹ کرائمز کو کنٹرول کرنے کے اقدامات پر گفتگو کی گئی۔
کامران ٹیسوری نے کہا کہ اسٹریٹ کرائمز پر شہریوں کی تشویش درست ہے ، ان واقعات کو کنٹرول کرنے کے لئے جامع اقدامات کئے جائیں۔
گورنرسندھ کا کہنا تھا کہ کمیونٹی پولیسنگ میں اضافہ اور سی سی ٹی وی کا موثر استعمال یقینی بنایا جائے۔
انھوں نے سندھ پولیس کی تعریف کرتے ہوئے کہا کہ پولیس نے بھی امن کے قیام کے لئے نمایاں کردارادا کیا ہے۔
