The news is by your side.

Advertisement

یونیورسٹیز کب سے کھولی جائیں گی ؟ سندھ حکومت کا بڑا اعلان

کراچی: سندھ حکومت نے بند جامعات اور بورڈز پیر سے کھولنے کا اعلان کردیا اور کہا جامعات،بورڈ اور وکیشنل ایجوکیشن ٹریننگ 50 فیصد حاضری کیساتھ کھلیں گے۔

تفصیلات کے مطابق وزیرجامعات اسماعیل راہو کی جانب سے بیان میں کہا گیا ہے کہ سندھ حکومت نے بند جامعات اور بورڈز پیر سے کھولنے کا فیصلہ کرلیا ہے ، سندھ بھرکی جامعات ایس اوپیزکےتحت23اگست کوکھولیں گی۔

اسماعیل راہو کا کہنا تھا کہ جامعات،بورڈ اور وکیشنل ایجوکیشن ٹریننگ 50 فیصد حاضری کیساتھ کھلیں گے تاہم یونیورسٹیز کے اسٹاف کی ویکسی نیشن 100فیصد لازمی ہونی چاہیے۔

وزیرجامعات نے کہا کہ طالبعلموں کو بھی ویکسی نیشن کراناہوگی اور ہدایت کی کہ طالبعلم،اساتذہ ،جامعات کا عملہ ویکسی نیشن کارڈ ساتھ رکھیں۔

گذشتہ روز وزیر تعلیم سندھ سردار شاہ نے نیوز کانفرنس میں اعلان کیا تھا کہ 23 اگست سے تعلیمی ادارے کھل جائیں گے، تاہم صرف وہ اسکول کھلیں گے جہاں 100 فی صد اساتذہ ویکسینیٹڈ ہوں گے۔

صوبائی وزیر تعلیم کا کہنا تھا کہ اسکول 50 فی صد حاضری کے ساتھ کھولنے کی اجازت ہوگی، تمام ایس او پیز پر عمل درآمد لازمی ہوگا، اسکولوں میں رینڈم پی سی آر ٹیسٹ ہوں گے، اسکولوں میں مانیٹرنگ کا عمل جاری رہے گا۔

Comments

یہ بھی پڑھیں