کراچی : سندھ حکومت نے کچے کے ڈاکوؤں کی سر کی قیمت مقررکرنے کا فیصلہ کرلیا اور ڈاکووٴں کی فہرست تیار کرلی ہے۔
تفصیلات کے مطابق سندھ حکومت نے کچے کے ڈاکووٴں کے سر کی قیمت رکھنے کا فیصلہ کرلیا، سندھ کابینہ اجلاس میں چار سو ڈاکووٴں کے سر قیمت منظوری لی جائے گی۔
محکمہ داخلہ نے سندھ ڈاکووٴں کی فہرست تیار کرلی ہے، سب سے زیادہ سر کی قیمت شکارپور کے ڈاکو خیر محمد تیغانی کی ستر لاکھ روپے رکھی گئی ہے۔
ڈاکو سونارو تیغانی کے سر کی قیمت ساٹھ لاکھ روپے رکھی گئی ہے جبکہ مختلف اضلاع کے کچےمیں پھیلے ڈاکووٴں کے سرکی قیمت دس لاکھ سے ستر لاکھ روپے رکھی ہے۔
وزیر اعلیٰ سندھ کی زیر صدارت کابینہ اجلاس میں منظوری کے بعد باضابطہ نوٹیفکیشن جاری کیا جائے گا۔
