کراچی : سندھ حکومت نے قصر فاطمہ المعروف موہاٹہ پیلس کو میڈیکل کالج میں تبدیل کرنے کا عدالتی حکم چیلنج کرنے کا فیصلہ کرلیا اور کہا کہ سنگل بینچ کاحکم غیرقانونی ہے۔
تفصیلات کے مطابق قصرفاطمہ المعروف موہٹہ پیلس کو میڈیکل کالج میں تبدیل کرنے کے معاملے پر سندھ حکومت نے سنگل بینچ کا حکم سندھ ہائی کورٹ میں چیلنج کرنے کا فیصلہ کرلیا۔
اس حوالے سے ایڈیشنل ایڈوکیٹ جنرل نے سندھ ہائی کورٹ کو آگاہ کرتے ہوئے کہا ہیریٹیج بلڈنگ میں کالج نہیں بنایاجاسکتا، سنگل بینچ کاحکم غیرقانونی ہے، ہم 2 رکنی بینچ کومطمئن کریں گے۔
سرکاری وکیل کا کہنا تھا کہ سنگل بینچ نے نام کی تبدیلی کا بھی غیرقانونی حکم دیا جبکہ وکیل درخواست گزار نے کہا کہ سندھ حکومت اوردیگرقصرفاطمہ میں کاروبارکررہےہیں، میڈیکل کالج بننےسےسندھ حکومت کاکاروباربندہوجائے گا۔
سندھ ہائی کورٹ نے مقدمے کی سماعت فوری بنیادوں پر کرنے کی درخواست منظور کرتے ہوئے سماعت 15 نومبر کیلیے مقرر کردی۔
