کراچی: 8 فروری کو الیکشن کے انعقاد کے پیش نظر حکومت سندھ نے 45 روز کے لیے صوبے بھر میں میں اسلحے کی نمائش پر پابندی عائد کردی۔
سندھ حکومت کی جانب سے جاری کردہ اعلامیے کے مطابق دفعہ 144 کا نفاذ آئی جی سندھ کی جانب سے موصول خط پر کیا گیا ہے۔
اعلامیے میں کہا گیا ہے کہ شیڈول کے مطابق الیکشن کے انعقاد کا عمل جاری ہے، پابندی کی سفارش کسی قسم کے ناخوشگوار واقعے سے بچنے کیلیے کی گئی ہے۔
- Advertisement -
اعلامیے کے مطابق رجسٹرڈ پرائیویٹ سیکیورٹی گارڈز کو دوران ڈیوٹی ہتھیار لے جانے کی اجازت ہوگی جبکہ دوران سفر گاڑی میں اسلحہ لہرانے پر بھی پابندی ہوگی۔
احکامات کی خلاف ورزی پر متعلقہ ایس ایچ او کو کارروائی کا اختیار ہوگا۔
