کراچی : سندھ حکومت نے ملازمین کی تنخواہوں اور پینشن میں اضافے کے حوالے سے بڑا فیصلہ کرلیا۔

تفصیلات کے مطابق سندھ کا تین ہزار تین سو باون ارب روپے کا بجٹ آج پیش کیا جارہا ہے، کابینہ نے تجاویز کی منظوری دے دی۔

سندھ حکومت نے کم از کم اجرت 37 ہزار پر مقرر کردی جبکہ ایک سے 17 گریڈ تک ملازمین کی تنخواہ میں 30 فیصد اور 18 سے 22 گریڈ تک ملازمین کی تنخواہ 22 فیصد بڑھانے کا فیصلہ کیا ہے اور پنشن میں 15 فیصد اضافے کیا جائے گا۔

وزیراعلی سندھ کی زیر صدارت کابینہ کا پری بجٹ اجلاس میں مراد علی شاہ کا کہنا تھا بلاول بھٹو کے دس نکات پر عملدرآمد کے حساب سے بجٹ بنایا گیا ہے، بجٹ میں غربت کے خاتمے اور عوام کو سہولتیں فراہم کرنے کی تجاویز ہیں۔