کراچی: سندھ حکومت نے چنگچی رکشے میں 4 سے زائد مسافر بٹھانے پر پابندی عائد کردی۔
تفصیلات کے مطابق حکومت سندھ نے چنگچی رکشے کو4 سواریوں تک محدود کردیا، کرایوں میں تبدیلی کردی گئی۔
سندھ حکومت کے نوٹیفکیشن کے مطابق چنگچی رکشے میں 6 کلو میٹر سفر کرنےپر کرایہ 10 روپے جبکہ اس سے زائد سفر کرنے پر 15 روپے کرایہ ہوگا۔
نوٹیفکیشن کے مطابق احکامات کی خلاف ورزی پرچنگچی رکشوں کے خلاف ضابطہ فوجداری کے تحت مقدمات درج ہوں گے۔
وزیر ٹرانسپورٹ سندھ اویس قادرشاہ کا کہنا ہے کہ مقدمات درج کرنے کی ذمےد اری ٹریفک پولیس کی ہوگی۔
سپریم کورٹ نے ملک بھر میں چنگچی رکشے چلانے کی مشروط اجازت دے دی
یاد رہے کہ 23 مارچ 2018 کو سپریم کورٹ نے ملک بھر میں چنگچی رکشے چلانے کی مشروط اجازت دیتے ہوئے ڈرائیور کے لیے لائسنس لازم قرار دیا تھا۔
چنگ چی رکشوں کے حوالے سے تیرہ صفحات پر مشتمل فیصلہ جسٹس گلزار احمد نے تحریر کیا تھا، فیصلے میں چنگ چی رکشوں کوچلنے کے لیے مشروط اجازت دی گئی تھی۔
0
20
