site
stats
سندھ

درگاہ لعل شہبازپرحاضری سے روکنا زرداری کی بوکھلاہٹ کو ظاہرکرتی ہے، عمران خان

سیہون : تحریک انصاف کے سربراہ عمران خان کو درگاہ لال شہباز قلندر پر حاضری دینے سے روک دیا گیا.

تفصیلات کے مطابق چیئرمین تحریک انصاف عمران خان کامیاب جلسہ عام کے بعد درگاہ لال شہباز قلندر حاضری دینے کے لیے پہنچے تو سیکیورٹی گارڈ نے دروازے بند کر لیے اور انہیں اندر داخل ہونے سے روک دیا گیا.

ترجمان تحریک انصاف سندھ جمال صدیقی نے بتایا کہ باربار اصرار کرنے کے باوجود درگاہ کا دروازہ نہیں کھولا گیا اور جواب دیا گیا کہ اوپر سے آرڈر ہے جس کے بعد عمران خان درگاہ پرحاضری دئیے بغیرواپس روانہ ہوگئے.

 ایسی سے متعلق : پاکستان کا سب سے بڑا مسئلہ کرپشن ہے، عمران خان

انہوں نے مزید کہا کہ پولیس کے رویے کی مذمت کرتے ہیں اور سندھ حکومت نے پہلے تحریک انصاف کو سیہون میں جلسہ عام کرنے سے روکا اور بعد ازاں درگاہ لعل شہباز قلندر پر حاضری سے بھی روک دیا.

چیئرمین تحریک انصاف عمران خان نے لعل شہباز قلندر کے مزار پر حاضری سے روکے جانے پر ردعمل دیتے ہوئے کہا کہ آصف زرداری پی ٹی آئی سے بری طرح خوفزدہ ہیں اسی لیے پہلے جلسے کی اجازت دینے سے انکار کیا گیا اوربعد میں درگاہ کے دروازے تک بند کردیئے.

ڈپٹی کمشنرجامشورو کیپٹن (ر) فرید الدین نے صورت حال کی وضاحت کرتے ہوئے کہا کہ سربراہ تحریک انصاف عمران خان کو سیہون درگاہ جانے سے نہیں روکا گیا بلکہ ان کے مسلح گارڈز کو درگاہ جانے سے روکا گیا تھا کیوں کہ مسلح گارڈز کے درگاہ میں جانے سے مزار کی بےحرمتی ہوتی ہے.


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top