The news is by your side.

Advertisement

کراچی والوں کیلیے بڑی خبر ، سینڈزپٹ اور ہاکس بے پر جیٹ اسکی اور پیراسیلنگ شروع کرنے پر غور

کراچی : سندھ‌ حکومت سینڈزپٹ اورہاکس بے پر بوٹنگ، جیٹی اسکائی اور پیراسیلنگ شروع کرنے کا فیصلہ کرلیا ہے، اس حوالے سے ہاکس بے، سینڈز پٹ روڈ کی تعمیرمکمل ہوچکی ہے۔

تفصیلات کے مطابق سندھ حکومت نے ہاکس بے اور سینڈزپٹ پر ایکوٹورازم شروع کرنے کا فیصلہ کرتے ہوئے سینڈزپٹ اورہاکس بے پر بوٹنگ، جیٹ اسکائی اور پیراسیلنگ شروع کرنے پر غور کررہی ہے، اس حوالے سے ہاکس بے، سینڈز پٹ روڈ کی تعمیرمکمل ہوچکی ہے۔

ترجمان سندھ حکومت بیرسٹرمرتصیٰ وہاب نے ہاکس بے روڈ کا دورہ کیا اور ایکوٹور ازم کے حوالے سے دستیاب سہولیات کا جائزہ لیا، اس موقع پر ان کا کہنا تھا کہ ہاکس بے، سینڈز پٹ روڈ کی تعمیرمکمل ہوچکی ہے، محکمہ موحولیات نے پاکستان نیوی کے اشتراک سے ایکو ٹورازم کیلئے اقدامات کا بھی فیصلہ کیا ہے۔

یاد رہے کمشنر کراچی نوید شیخ نے ساحل سمند ر پر نہانے پر پابندی عائد کرتے ہوئے دفعہ 144 نافذ کر دی تھی، نوٹیفکیشن میں کہا گیا تھا کہ پابندی سمندر میں طغیانی کے پیش نظر دو ماہ کے لئے عائد کی گئی ہے۔

نوٹی فیکیشن میں متعلقہ ڈپٹی کمشنرز اور اسسٹنٹ کمشنرز متعلقہ ایس ایس پیز کے تعاون سے عملدرامد کو یقینی بنانے کی ہدایت کرتے ہوئے کہا گیا تھا کہ ساحل سمند ر پر نہانے اور تفریخ پر پابندی کا مقصدسمندر میں ڈوبنے کے کسی بھی ناخوشگوار واقعہ سے شہریوں کو بچانا اور ان کی زندگیوں کے محفوظ بنانا ہے۔

کمشنر نے شہریوں سے اپیل کی تھی کہ وہ ساحل سمند پر جانے سے گریز کریں اورپابندی پر عمل کریں۔

Comments

یہ بھی پڑھیں